He hunah hian Lalzarmawii, IAS, Commissioner & Secretary, Social Welfare, Tribal Affairs, Women & Child Development Department chu khuallian niin Zonunthari, Jt. Secretary in a kaihruai a ni.

Kum kalta ah khan Working Committee on Ruihhlo Do hnuaiah hian Sub-committee on Social Media chu din niin anni hmalakna hian school zirlaite (Class 9 – Class 12) zingah leh College zirlaite zingah ruihhlo laka invenna atan Video/Clips Competition chu buatsaih a ni a. Hemi category pahnih atang hian clip 22 a lut a ni. Heng category pahnih Atanga lawmman danwgtute chu a hnuaiah hian tarlan a ni :  

Category I (High School & Higher Secondary School)- 1st Position : R. Lallawmsanga, 2nd Position : Lalruathlui, 3rd Position : KC Lalhruaitluanga & Lalremruata Khiangte leh Consolation Prize hi mi pahnih- Remruatfela, Antoshri Nath ten'n  an dawng.

Category II (College & University)- 1st Position : Lalngaihsaki Hauhulh, 2nd Position : Louise Lallianchhungi, 3rd Position : C. Lalruatkima leh Consolation Prize dawng hi mi pali- Lalṭhamawia, Lalneihkimi, Job Lalremdika, Josephine C. Lalthlangdiki te an ni bawk.

Kum kalta khan District tinah leh, sorkar department hrang hrangah leh YMA, Tlawmngai Pawl (NGO) hrang hrangah Ruihhlo Dona atan sum pek an ni a, sum dawngtute pawhin theihtawpin hma an la mek zel a. Ruihhlo Dona atana heng hmalaknate hi awlsam taka inhriatpawh zung zung a nih theih nan Monitoring Apps “epi.info for Ruihhlo Do” chu buatsaih a ni a. He Apps hi tangkai taka hman a nih theih nan khuallian Lalzarmawii, IAS, Commissioner & Secretary, Social Welfare, Tribal Affairs, Women & Child Development Department chuan a tlangzarh bawk, niin sorkar thuchhuah chuan a tarlang.